Ephesians 2
1រីឯអ្នករាល់គ្នាវិញអ្នករាល់គ្នាបានស្លាប់នៅក្នុងកំហុសនិងបាបរបស់អ្នករាល់គ្នា 2កាលពីមុនអ្នករាល់គ្នារស់នៅតាមរបៀបរបស់លោកិយនេះគឺតាមចៅហ្វាយនៃសិទ្ធិអំណាចនៅលើអាកាសជាវិញ្ញាណដែលកំពុងធ្វើការសព្វថ្ងៃនេះក្នុងពួកកូនៗដែលមិនស្ដាប់បង្គាប់។ 3កាលពីមុនយើងទាំងអស់គ្នាក៏ធ្លាប់រស់នៅតាមចំណង់តណ្ហាសាច់ឈាមរបស់យើងក្នុងចំណោមពួកគេដែរទាំងបានប្រព្រឹត្ដតាមបំណងនិងគំនិតខាងសាច់ឈាមហើយយើងជាកូននៃសេចក្ដីក្រោធពីកំណើតដូចជាអ្នកដទៃទៀតដែរ 4ប៉ុន្ដែព្រះជាម្ចាស់ដែលមានសេចក្ដីមេត្តាករុណាដ៏បរិបូរព្រះអង្គស្រលាញ់យើងដោយសេចក្ដីស្រលាញ់ដ៏ខ្លាំងរបស់ព្រះអង្គ 5ទោះបីយើងបានស្លាប់នៅក្នុងកំហុសរបស់យើងក៏ដោយក៏ព្រះអង្គប្រោសយើងឲ្យមានជីវិតរួមជាមួយព្រះគ្រិស្ដដែរដូច្នេះអ្នករាល់គ្នាទទួលបានសេចក្ដីសង្គ្រោះដោយសារព្រះគុណ 6ហើយនៅក្នុងព្រះគ្រិស្ដយេស៊ូព្រះអង្គបានប្រោសយើងឲ្យរស់ឡើងវិញរួមជាមួយព្រះគ្រិស្ដនិងបានឲ្យយើងអង្គុយរួមជាមួយព្រះអង្គនៅឯស្ថានសួគ៌ 7ដើម្បីឲ្យព្រះអង្គបង្ហាញជំនាន់ខាងមុខឲ្យឃើញពីព្រះគុណដ៏បរិបូរលើសលប់របស់ព្រះអង្គដែលបានប្រទានដល់យើងដោយសេចក្ដីសប្បុរសក្នុងព្រះគ្រិស្ដយេស៊ូ 8ដ្បិតអ្នករាល់គ្នាទទួលសេចក្ដីសង្គ្រោះដោយសារព្រះគុណតាមរយៈជំនឿហើយសេចក្ដីនេះមិនមែនមកពីអ្នករាល់គ្នាទេគឺជាអំណោយទានរបស់ព្រះជាម្ចាស់ 9ហើយក៏មិនមែនមកពីការប្រព្រឹត្តិដែរក្រែងលោមានអ្នកណាម្នាក់អួតខ្លួន 10ព្រោះយើងជាស្នាព្រះហស្ដរបស់ព្រះជាម្ចាស់ដែលត្រូវបានបង្កើតមកនៅក្នុងព្រះគ្រិស្ដយេស៊ូសម្រាប់ការល្អដែលព្រះជាម្ចាស់បានរៀបចំទុកជាមុនដើម្បីឲ្យយើងប្រព្រឹត្ដតាម។ 11ដូច្នេះចូរចាំថាពីមុនអ្នករាល់គ្នាជាសាសន៍ដទៃខាងសាច់ឈាមដែលត្រូវបានពួកអ្នកដែលហៅថាពួកកាត់ស្បែកខាងសាច់ឈាមដោយដៃមនុស្សហៅអ្នករាល់គ្នាថាពួកមិនកាត់ស្បែក 12ពេលនោះអ្នករាល់គ្នាគ្មានព្រះគ្រិស្ដទេហើយមិនត្រូវបានរាប់បញ្ចូលថាជាជនជាតិអ៊ីស្រាអែលឡើយក៏ជាអ្នកក្រៅខាងឯកិច្ចព្រមព្រៀងនៃសេចក្ដីសន្យាគ្មានសង្ឃឹមនិងគ្មានព្រះជាម្ចាស់នៅក្នុងលោកិយនេះផង 13ប៉ុន្ដែនៅក្នុងព្រះគ្រិស្ដយេស៊ូអ្នករាល់គ្នាដែលពីមុននៅឆ្ងាយឥឡូវនេះត្រូវបាននាំមកជិតវិញដោយសារឈាមរបស់ព្រះគ្រិស្ដ។ 14ដ្បិតព្រះអង្គជាសេចក្ដីសុខសាន្តរបស់យើងព្រះអង្គបានធ្វើឲ្យទាំងពីររួមមកតែមួយហើយបំផ្លាញជញ្ជាំងដែលខណ្ឌផ្ដាច់និងភាពជាសត្រូវដោយរូបកាយរបស់ព្រះអង្គ 15គឺព្រះអង្គបានលុបបំបាត់ក្រឹត្យវិន័យដែលមានបញ្ញត្ដិនិងសេចក្ដីបង្គាប់ទាំងឡាយចោលដើម្បីឲ្យព្រះអង្គយកទាំងពីរមកបង្កើតជាមនុស្សថ្មីតែមួយនៅក្នុងព្រះអង្គទាំងធ្វើឲ្យមានសេចក្ដីសុខសាន្ត 16ហើយដើម្បីឲ្យព្រះអង្គផ្សះផ្សាទាំងពីរជាមួយព្រះជាម្ចាស់នៅក្នុងរូបកាយតែមួយតាមរយៈឈើឆ្កាងដោយបានលុបបំបាត់ភាពជាសត្រូវចោលតាមរយៈឈើឆ្កាង។ 17ពេលព្រះអង្គយាងមកព្រះអង្គបានប្រកាសដំណឹងល្អនៃសេចក្ដីសុខសាន្តដល់អ្នករាល់គ្នាជាអ្នកឆ្ងាយនិងដល់អស់អ្នកជាអ្នកជិតដែរ 18ព្រោះតាមរយៈព្រះអង្គយើងទាំងពីរមានផ្លូវទៅឯព្រះវរបិតាដោយព្រះវិញ្ញាណតែមួយ។ 19ហេតុនេះអ្នករាល់គ្នាលែងជាអ្នកក្រៅឬជាជនបរទេសទៀតហើយផ្ទុយទៅវិញអ្នករាល់គ្នាជាជនរួមជាតិរបស់ពួកបរិសុទ្ធព្រមទាំងជាអ្នកនៅក្នុងដំណាក់របស់ព្រះជាម្ចាស់ទៀតផង 20ហើយអ្នករាល់គ្នាត្រូវបានសង់លើគ្រឹះរបស់ពួកសាវកនិងពួកអ្នកនាំព្រះបន្ទូលដែលព្រះគ្រិស្ដយេស៊ូផ្ទាល់ជាថ្មជ្រុងដ៏សំខាន់ 21ហើយនៅក្នុងព្រះអង្គអគារទាំងមូលត្រូវបានផ្គុំឡើងទាំងចម្រើនទៅជាព្រះវិហារដ៏បរិសុទ្ធនៅក្នុងព្រះអម្ចាស់ 22រីឯអ្នករាល់គ្នាក៏ដូច្នោះដែរអ្នករាល់គ្នាកំពុងត្រូវបានសង់ឡើងជាមួយគ្នាឲ្យទៅជាដំណាក់របស់ព្រះជាម្ចាស់នៅក្នុងព្រះវិញ្ញាណ។
Copyright information for
KhmKCB